Merz kritikon braktisjen e Ukrainës nga burrat që kanë moshën për ushtri

Sipas tij, burrat e moshave të reja janë më të nevojshëm për t`i shërbyer mbrojtjes së atdheut të tyre, Ukrainës

Kancelari gjerman Friedrich Merz ka avokuar që burrat e rinj të kryejnë shërbimin ushtarak në Ukrainë në vend që të largohen nga atdheu i tyre.

Ai me këtë deklarim të tij po reagonte ndaj rritjes së fundit të numrit të refugjatëve ukrainas, sidomos të meshkujve të rinj në Gjermani dhe në vende të tjera, transmeton albinfo.ch.

Këta të rinj janë të nevojshëm në Ukrainë, tha Merz gjatë një paraqitjeje në Berlin. Ai e kishte diskutuar çështjen në një bisedë telefonike me Presidentin Volodymyr Zelenskyy, shkruan srf.ch.

Kancelari gjerman i ka kërkuar homologut të tij ukrainas të sigurohej që të rinjtë, në veçanti, të mos vijnë në Gjermani në numër gjithnjë e në rritje.

Edhe pse ligji ushtarak ndalon udhëtimin, Ukraina ka lejuar prej tashmë disa javësh të rinjtë e moshës 18 deri në 22 vjeç të largohen përsëri nga vendi.

---