Përmbytje në Sri Lanka, të paktën 69 të vdekur

Foto nga arkiva @unsplash

Të paktën 69 persona kanë humbur jetën dhe 34 rezultojnë ende të zhdukur, si pasojë e përmbytjeve që goditën Sri Lankën.

Bëhet e ditur se ekipet e shpëtimit luftuan me rritjen e niveleve të ujit të premten për të shpëtuar qindra njerëz të bllokuar, dhe shirat e rrëmbyeshëm të shkaktuar nga Cikloni Ditwah detyruan më shumë se 18,000 banorë të evakuoheshin në strehimore të përkohshme, shkruan TheGuardian.

Ndryshe, shira të rrëmbyeshëm ranë në të gjithë ishullin, me disa zona që regjistruan deri në 360 mm reshje në 24 orët e fundit, ndërsa lumi Kelani, i cili derdhet në Oqeanin Indian pranë kryeqytetit Kolombo, doli nga shtrati të premten, përcjell albinfo.ch.