Cyrihu alarmon mungesën e Shën Nikollës dhe ndihmësve të tij

Kërkesa rritet, vullnetarët pakësohen, Cyrihu me mungesë të Shën Nikollave

Me afrimin e 6 dhjetorit, Ditës së Shën Nikollës, qyteti më i madh i Zvicrës po përballet me mungesë të figurave kryesore të festës, përcjell albinfo.ch.

Sipas Philipp Rellstab nga Shoqëria e Shën Nikollës në Cyrih, kërkesa për Shën Nikolla dhe “Schmutzli” është më e lartë se vitet e kaluara. “Kërkesa është edhe më e madhe se në vitet e mëparshme,” deklaroi ai.

Arsyeja kryesore për këtë mungesë lidhet me faktin se shumë prej personave që tradicionalisht veshen si Shën Nikolla dhe ndihmësit e tij të errët, Schmutzli, po plaken, ndërsa të rinjtë tregojnë gjithnjë e më pak interes për të marrë rolin, tha Rellstab.

Ky deficit tashmë po ndikon organizimet e festave tradicionale të Shën Nikollës nëpër shkolla, lagje dhe aktivitete komunitare në Cyrih.

---