Bashkimi Evropian bie dakord të ndalojë importet e gazit rus në vjeshtën e vitit 2027

Keystone (AP Photo/Bela Szandelszky)

Një marrëveshje u arrit të mërkurën mes eurodeputetëve dhe shteteve të BE-së për të ndaluar të gjitha importet e gazit rus në Bashkimin Evropian në vjeshtën e vitit 2027. Qëllimi është t’i hiqet Moskës një burim i rëndësishëm të ardhurash që financon luftën e saj në Ukrainë.

Data e përfundimit të importeve në vjeshtën e 2027-s përfaqëson një kompromis mes Parlamentit Evropian, i cili kërkonte një ndalim më të shpejtë, dhe shteteve anëtare që kërkonin më shumë kohë.

“Ja dolëm”, u shpreh i kënaqur komisioneri evropian për energjinë, Dan Jorgensen. “Nuk do të ketë më përpjekje shantazhi. Nuk do të ketë më manipulim të tregut nga Putini. Ne qëndrojmë në solidaritet me Ukrainën,” theksoi ai.

Rusia e dënoi menjëherë vendimin e BE-së, duke deklaruar përmes Kremlinit se Unioni “po e dënon veten” me energji “më të shtrenjtë” dhe me “përshpejtim të humbjes së ndikimit të tij”.