Gjermani: Bundestagu miraton reformën e pensioneve

318 anëtarë të parlamentit votuan në favor të propozimit të Kancelarit Merz, 224 vota ishin undër dhe 53 abstenime

Parlamenti gjerman ka miratuar reformën kontroverse të pensioneve të Kancelarit Friedrich Merz. Ndër të tjera, ajo përcakton që pensionet do të rriten me të njëjtin ritëm si pagat.

318 anëtarë të parlamentit votuan në favor të modelimit të ri të nivelit të pensioneve deri në vitin 2031 dhe zgjerimit të pensionit të nënave, me 224 vota kundër dhe 53 abstenime, tranmseton albinfo.ch. Kjo do të thotë që kancelari Friedrich Merz e tejkaloi objektivin e tij të të ashtuquajturës “shumicë kancelarike” prej 316 votash, me dy vota.

Bundestagu fillimisht kishte njoftuar 319 vota pro dhe 225 kundër, por më vonë e korrigjoi këtë shifër. Shtatë nga 208 anëtarët e parlamentit të CDU/CSU votuan kundër ligjit të diskutueshëm, raporton dpa.de. Dy të tjerë abstenuan dhe një anëtar nuk votoi.

Plani kishte tërhequr kritika edhe nga brenda aleancës CDU/CSU të Kancelarit Merz, kryesisht për shkak të kostove në rritje dhe barrës që do t’u vinte brezave të rinj.

Anëtarët më të rinj të grupit parlamentar CDU/CSU, në veçanti, e kishin kundërshtuar propozimin. Prandaj, reforma e pensioneve ishte në rrezik të dështonte në parlament.

---