Trupat e pajetë të të aksidentuarve në Kazakistan kthehen në Kosovë

Janë kthyer në Kosovës trupat e katër shtetasve të Kosovës që humbën jetën aksidentalisht në fillim të kësaj jave në Astana të Kazakistanit. Lajmin e ka bërë të ditur Klan Kosova, duke cituar një familjar.

Shyqri Musa, vëllai i Avni Maksutit, ka thënë se trupa e pajetë kanë mbërritur të enjten rreth orës 05:00 të mëngjesit, ndërsa varrimi i Avniut do të bëhet në orën 13:00 në fshatin Bardhosh.

Të katër punëtorët kosovarë të kompanisë “Mabetex” vdiqën gjatë çmontimit të një skeleje. Viktimat janë: Blerim Kadriu (1981), Bekim Durmishi (1983), Luan Bakia (1976) dhe Avni Maksuti (1979), kurse të lënduar kanë mbetur Hajrush Hoti (1969) dhe Isuf Bekolli (1956).

Familjarët e viktimave, përmes një telegrami, i ka ngushëlluar edhe presidenti i kompanisë “Mabetex” dhe kryetari i Aleancës Kosovare e Re, Behgjet Pacolli.