Ambasada e Kosovës uron besimtarët për festën e Bajramit

“Ambasada e Republikës së Kosovës në Bernë, besimtarëve myslimanë  të Kosovës në Konfederatën e Zvicrës dhe Principatën e Liechtenstein-it, për Festën e Fitër Bajramit  u shprehim urimet më të mira, të bindur se gjatë ketyre ditëve të festës do të kaloni çaste të lumtura në familje, me të afërm dhe gjithë njerëzit që u rrethojnë, duke e shtuar dhe klultivuar edhe më shumë respektin dhe dashurin për njëri-tjetrin”, thuhet në njoftim të Ambasadës së Kosovës në Bernë.

“Fitër Bajrami vjen pas një muaj agjërimi, ku besimtarët thelluan besimin, disciplinës shpirtërore dhe fizike, duke kryer një obligim fetar të rëndësishëm të fesë islame”, thuhet më tutje në njfotim.

“Përgëzojmë dhe urojmë që fryma e kultivimit të vlerave që na kanë bashkuar dhe na bashkojnë, të rriten edhe më shumë në mesin tonë, ashtu siç kemi bërë dhe bëjmë edhe sot, duke manifestuar fuqishëm e me besim të plotë tolerancë e mirëkuptim brenda vetes dhe me të gjithë të tjerët, për të mirën e vetvetes, të familjes, të shoqërisë aty ku jetoni dhe veproni si dhe të Shtetit të Kosovës, si një shembull paqeje, përparimi dhe harmonie midis njerëzve të përkatësive të ndryshme etnike dhe religjioze”, thuhet në njoftimin e Ambsadës së Republikës së Kosovë në Bernë..