Kuvendi i Kosovës hap dyert për bashkatdhetarët

Kuvendi i Kosovës të martën ka nisur aktivitetin “Bashkatdhetarët në Kuvend”, në kuadër të të cilit Kuvendi i Kosovës i mirëpret të gjithë mërgimtarët të cilët dëshirojnë ta vizitojnë ndërtesën e institucionit më të lartë legjislativ.

Sipas një njoftimi për media nga Zyra për Shtyp e Kuvendit të Kosovës, pritja qendrore për bashkatdhetarët do të mbahet të mërkurën, më 22 korrik në orën 11:00, në sallën e mbledhjeve plenare të Kuvendit, në të cilën kryetari i Kuvendit, Kadri Veseli, do të takojë grupe të mërgimtarëve dhe do të mbajë një fjalë mirëseardhjeje.

Sipas këtij njoftimi, autoritetet e Kuvendit i ftojnë të gjithë bashkatdhetarët e interesuar që të marrin pjesë në këtë aktivitet.