Wesley Clark flet për ISIS-in

Clark: Ekziston njëfarë dileme për ISIS-in. Këtë lloj hutimi nuk do të duhej ta lëmë të ekzistojë më tej. (…) ISIS u fillua dhe u finacua nga miqtë dhe aleatët tanë (me gjasë mendon në Israelin dhe Arabinë Saudite me qëllim të luftimi të Iranit më vonë- përkthyesi), sepse njerëzit në regjion do t’ju thonin: Nëse ju duhet dikush që e lufton deri në vdekje hisbollahun nuk mund të vendosni ndonjë pllakat dhe t’ju thoni atyre: »Anëtarësohunu tek ne » apo « ne po e krijojmë një botë më të mirë ». Në vend të kësaj ata përdorën zellin fetar.

Intervistuesja : Po Ju dëgjoj se si po e trajtoni Sirinë në mënyrë nebuloze. Unë mendoj se Ju keni qenë shumë i vendosur për ta shkatërruar ISIS-in. Për mua nuk është kurrfarë ngatërrimi poqëse ISIS-i do të fshihej nga Siria, qoftë edhe bashkë me Asadin, sepse do të duhej që të ketë plan për gjërat ?

Clark : Por, disa gjëra nuk mund të planifikohen aq qartë, sepse ke të bësh me çështje politike. Dhe njëra nga këto është : a mund ta ndalësh Rusinë në përkrahjen e saj Asadit ? Si do të mund të bëhej kjo ? Tashpërtash me rusët kemi të bëjmë në Ukrainë, ku ata nuk janë aq të dobishëm. Në të vëtetë, nga këndvëshrimi i Putinit loja duket plotësisht ndryshe. Ai thotë, pasi që ne ju duhemi amerikanëve për të ndihmuar në Iran, dhe pasi ata nuk kanë trupa tokësorë në Siri, ata varen prej nesh. Për këtë arsye ne mund ta vazhdojmë edhe më tej me Ukrainën dhe amerikanët nuk do të na ndalin, sepse ata kanë frikë se do ta humbin kooperimin tonë diku në ndonjë pjesë tjetër të botës. Pra, ai luan në këtë mënyrë. Është vështirë prandaj dhe për këtë arsye edhe nuk mund të planifikohet çdo gjë paraprakisht në mënyrë lineare.

Përkthimi për albinfo.ch: Nexhmedin Gërguri