Shpërthimi në Crans-Montana, Valais, merr disa jetë njerëzish

Policia e Zvicr;s raporton disa të vdekur dhe të plagosur (Video)

Një zjarr i madh ka shpërthyer në një bar në Crans-Montana, në kantonin Valais të Zvicrës, gjatë festimeve të Vitit të Ri, transmeton albinfo.ch.

Sipas policisë, nga ngjarja ka pasur disa viktima dhe persona të plagosur, ndërsa numri i saktë i tyre mbetet ende i paqartë. Incidenti ka ndodhur në “Le Constellation Bar”, ku një shpërthim ka shkaktuar zjarr në natën e ndërrimit të motmoteve. Shkaqet e këtij aksidenti tragjik nuk dihen ende dhe autoritetet kanë nisur hetimet.

Në vendngjarje kanë ndërhyrë në numër të madh policia kantonale dhe ajo e qytetit, zjarrfikësit, si dhe disa helikopterë emergjence. Sipas një zëdhënësi të policisë, situata është vënë nën kontroll në orët e hershme të mëngjesit.

Autoritetet kanë mbyllur plotësisht zonën e prekur dhe kanë vendosur një ndalim fluturimi mbi Crans-Montana. Ndërkohë, është hapur edhe një linjë telefonike për familjarët dhe të afërmit e viktimave në numrin 084 811 21 17.

https://x.com/OsiOsint1/status/2006608081741033961/video/2

---