Njësia B2 e KEK-ut ndalet 48 orë për kontroll teknik

Sipas KEK-ut, kjo njësi është në operim të pandërprerë që nga 26 tetor i vitit të kaluar

Korporata Energjetike e Kosovës (KEK) bën të ditur se njësia B2 është ndaluar për 48 orë për shkak që duhet t’i nënshtrohet një kontrolli teknik, i cili vlerëson gjendjen dhe qëndrueshmërinë e prodhimit, pas dy mijë-orësh operim pandërprerë.

Sipas KEK-ut, kjo njësi është në operim të pandërprerë që nga 26 tetor i vitit të kaluar, njofton rtklive.com.

“Ky kontroll teknik pritet të zgjasë rreth 48 orë, gjatë të cilave ekipet profesionale dhe teknike të KEK tashmë kanë filluar ndërhyrjet dhe verifikimet e nevojshme në pajisjet kryesore të njësisë”, thuhet në njoftimin e KEK-ut.

---