Bazat ajrore zvicerane nën presion para ardhjes së F-35

A janë të gatshme bazat ajrore kur të mbërrijë F-35 i parë?

Zvicra pritet të pranojë avionin e parë luftarak F-35 nga mesi i vitit 2027, por përgatitja e infrastrukturës po përballet me vonesa dhe kosto më të larta, përcjell albinfo.ch.

Sipas një raporti të Kontrollit Federal të Financave (EFK), punimet në bazën ajrore të Payerne kanë nisur me vonesë, ndërsa në Meiringen dhe Emmen vonesat arrijnë deri në një vit.

EFK kritikon autoritetet për nënvlerësim të afateve ndërtimore. Megjithatë, Armasuisse shprehet optimiste se objektet do të përfundojnë me kohë dhe përjashton nevojën për stacionim të përkohshëm të avionëve, duke theksuar se në Zvicër ka mjaftueshëm hangarë për F-35. /Albinfo.ch

---