Kosovari dëbohet nga Italia, kishte lidhje m ISIS-in

Një kosovar 31 vjeçar i cili jetonte me leje qëndrim që nga viti 2001 në Itali, është dëbuar nga Italia dhe për dhjetë vitet e ardhshme, i është ndaluar të vizitojë qytetin e Udinezes, në të cilin ai banonte, shkruan stol.it.

Vendimi u mor për arsye sigurie nga Ministria e Brendshme e Italisë, njoftoi policia e Udinezes të shtunën, përcjell “albinfo.ch”.
Kosovari akuzohet për propagandë fundamentaliste.

Personi i akuzuar thuhet se ka marrë pjesë në kampet e trajnimit në Turqi dhe planifikonte të udhëtonte për në Siri për të iu bashkuar luftimeve të ISIS.

Në Itali, ai bënte rekrutimin e të rinjve për luftime të ISIS në një xhami në regjionin Friaul.

Italia së fundmi ka marrë një ofensivë kundër terroristëve islamikë. Rreth 40 të huaj gjatë javëve të kaluara janë dëbuar nga Italia.