Alban Bexheti: “U shkarkova nga puna për vjedhjen që nuk e kam kryer”

Alban Bexheti ka dalë i pafajshëm, edhe pse dimrin e kaluar djaloshi 17-vjeçar ishte i akuzuar gabimisht për vjedhje nga ish-punëdhënësi i tij, Migros.

Ndërmjet shkurtit dhe marsit, arka e tij e të hollave paraqiste mungesë në shitoret e Bussigny dhe Avenue De La Harpe në Lozanë. Humbja totale: 4000 franga. “Çdo herë unë isha ai që i tregoja menaxherit”, kujton Albani. Megjithatë, dyshimet u kthyen shumë shpejt kundër tij.

Pak vjedhje në arkën e punonjësve

E pyetur për këtë çështje, menaxheri i Migrosit Vaud nuk pranoi të japë versionin e tij të ngjarjes. “Gjykata ka lëshuar vendimin e saj”, thekson zyrtarja për komunikim, Aurélie Murris. Kjo e  fundit, megjithatë thekson faktin se ankesa ishte paraqitur kundër një personi të panjohur, dhe se nuk  kishte për qëllim të vërë në shënjestër në mënyrë specifike Albanin. Zhdukja e të hollave nga arkat nuk është  “një problem që ndodh shpesh në Migros”, shtoi ajo. Megjithatë, Migros-i refuzon të japë shifra mbi numrin e ankesave që dorëzon çdo vit për raste të tilla.

“Një formë jo shumë elegante…”

Më 11 mars, një ankesë është parashtruar nga ana e kooperativës Migros. Dy ditë më vonë, policia ka kryer një kthim në shtëpinë e djaloshit të ri pa gjetur asgjë inkriminuese. I njëjti rezultat doli edhe gjatë kërkimeve policore të kryera në dollapin e tij të punës. “Shefi im as që më ka paralajmëruar për këto hetime”, shpjegon me keqardhje Albani. “Kjo nuk është një formë elegante për një të rritur… ”

Fillim i ri në një kompani tjetër

Në dy seancat e tij para gjykatës, Alban Bexheti ka shqiptuar disa herë pafajësinë e tij. “Unë nuk isha i vetmi që punoja me këtë arkë”, këmbëngul ai. Megjithatë, Albani nuk ka përjashtuar kurrë ndonjë gabim numërimi. Për shkak të mungesës së provave, gjykata e të miturve e ka liruar djaloshin nga të gjitha akuzat më 3 gusht. Shumë vonë: Migrosi ndërkohë e kishte liruar nga puna që nga 6 qershori.  “Unë jam i zhgënjyer, sepse ata as nuk pritën për të parë nëse unë kam qenë fajtor apo jo. Më në  fund, unë u shkarkova nga puna pas akuze një vjedhje që nuk e kam kryer”. Për adoleshentin, ky nxitim shpjegohet: “Unë nuk kaloja mirë me një nga manaxherët e punës”.

Ndërkohë, Alban Bexheti ka rifilluar profesionin e tij në një vend të ri. Aty ai ndihet shumë mirë, njofton albifno.ch.