Kur votimi kushton mbi 60 franga: pengesat e zviceranëve jashtë vendit

Edhe pse votimi elektronik është testuar në disa kantone, ai ende nuk është i përhapur në nivel kombëtar, duke lënë shumë votues jashtë vendit të varur nga posta tradicionale

Për shumë shtetas zviceranë që jetojnë jashtë vendit, pjesëmarrja në votime mund të kushtojë deri në 60 franga ose edhe më shumë, duke e bërë procesin më të vështirë dhe më pak të qasshëm.

Problemi kryesor lidhet me dërgimin e materialeve të votimit me postë. Në shumë vende, kthimi i fletëvotimit në Zvicër kërkon pagesë të konsiderueshme për postë ndërkombëtare, sidomos nëse dërgesa bëhet me shërbime të shpejta për të arritur afatet, shkruan swissinfo.ch, transmeton albinfo.ch.

Për shkak të këtyre kostove dhe vonesave të mundshme, një pjesë e diasporës heziton të marrë pjesë në votime, pavarësisht interesimit të lartë për çështjet politike në vend.

Edhe pse votimi elektronik është testuar në disa kantone, ai ende nuk është i përhapur në nivel kombëtar, duke lënë shumë votues jashtë vendit të varur nga posta tradicionale.

Si rezultat, pjesëmarrja e diasporës mbetet relativisht e ulët krahasuar me votuesit brenda Zvicrës, edhe pse komuniteti i zviceranëve jashtë vendit vazhdon të luajë rol të rëndësishëm në proceset demokratike.

---