Zvicër: Çfarë ndryshon në maj 2026

Çfarë ndryshon në Zvicër në maj 2026: festa, linja të reja ajrore dhe ndryshime në transport

Muaji maj 2026 sjell një sërë ndryshimesh dhe ngjarjesh të rëndësishme në Zvicër, duke përfshirë festa zyrtare, zhvillime në transport dhe afate administrative në disa kantone, përcjell albinfo.ch.

1 maj: Dita e Punëtorëve

Si shumë vende të tjera, Zvicra shënon më 1 maj Ditën e Punëtorëve, e njohur edhe si Dita Ndërkombëtare e Punëtorëve. Kjo ditë shënohet kryesisht nga sindikatat dhe grupet e majta politike.

Megjithatë, ajo nuk është festë zyrtare në të gjithë vendin, por vetëm në disa kantone, përfshirë:
Zürich, Basel-Stadt, Basel-Landschaft, Jura, Neuchâtel, Schaffhausen, Thurgau dhe Ticino.
Në kantonet Aargau dhe Solothurn, zakonisht jepet gjysmë dite pushim.

1 maj: numër i ri emergjent për dhunën në familje

Nga kjo datë pritet të vihet në funksion numri i ri emergjent me tre shifra 142, i dedikuar për viktimat e dhunës në familje. Shërbimi do të jetë i disponueshëm 24 orë në ditë dhe pa pagesë.

14 maj: Ngjitja e Krishtit (Ascension)

Kjo festë fetare është ditë pushimi zyrtare në të gjithë Zvicrën. Megjithëse 15 maji nuk është festë zyrtare, shumë shkolla dhe disa institucione mbeten të mbyllura deri të hënën pasuese.

15 maj: afatet tatimore në Bern

Në kantonin Bern, qytetarët që kanë kërkuar shtyrje të afatit duhet të dorëzojnë deklaratat tatimore deri më 15 maj. Në disa kantone të tjera, afatet shtyhen deri më 30 maj.

21 maj: rihapet EuroAirport Basel

EuroAirport Basel-Mulhouse-Freiburg rihapet plotësisht pas një mbylljeje pesëjavore për renovimin e pistës kryesore. Mbi 25 kompani ajrore pritet të rifillojnë fluturimet.

25 maj: Whit Monday (Pentecost)

Kjo festë fetare është ditë pushimi në shumicën e kantoneve të Zvicrës, përveç disa prej tyre si Neuchâtel, Solothurn, Valais dhe Zug.

Lajme për udhëtimet në maj

Muaji maj sjell edhe zhvillime të reja në transportin ajror:

Nga 3 maji, Air Baltic nis linjën direkte Cyrih–Vilnius me tre fluturime në javë.
Nga 29 maj deri më 14 shtator, Edelweiss Air do të operojë linjën Cyrih–Glasgow dy herë në javë.
Transporti hekurudhor

Nga 30 maji deri më 4 tetor, do të funksionojë linja direkte me tren nga Zurich drejt qytetit italian Rimini.

Fundi i sezonit të skijimit

Gjatë majit mbyllen edhe resortet e fundit të skijimit në Alpet Zvicerane:

Zermatt – 3 maj
Engelberg – 3 maj
St. Moritz – 3 maj
Adelboden – 5 maj

Me këto mbyllje, sezoni i skijimit në Alpet Zvicerane përfundon zyrtarisht, duke i hapur rrugë sezonit veror turistik./Albinfo.ch

---