Merkel e sheh Zvicrën si një model për politikën e refugjatëve në BE

Kancelarja gjermane, Angela Merkel, ka thënë të jetë Zvicra një model për BE-në dhe Gjermaninë për sa i përket trajtimit të refugjatëve. Kjo ka të bëjë me kohën e përpunimit të kërkesave për azil dhe shpërndarjen e refugjatëve në vend, tha Merkel në Bernë.

Merkel ka vlerësuar të ashtuquajturën procedurë 48-orëshe, me të cilën Zvicra ka identifikuar refugjatët nga vendet e Ballkanit Perëndimor.

Kjo mund të nxisë edhe Gjermaninë që duhet shkurtuar në masë të madhe  procedurat e pranimit për disa javë.
Zvicra duhet të shihet edhe si model për qendrat e regjistrimit të refugjatëve dhe shpërndarjen e tyre nëpër kantone.
Përvojë kjo që duhet të aplikohet në nivel të BE-së.

„Këtu Bashkimi Evropian duhet të vijë në Zvicër në mënyrë që të mësojë nga përvojat e tyre”, tha Merkel.
Merkel ka bërë thirrje po ashtu për një zgjidhje ndërmjet Bashkimit Evropian (BE) dhe Zvicrës rreth marrëveshjes për lirinë e ardhshme të lëvizjes.

“Gjermania do të bëjë gjithçka në mënyrë që të ndihmojë bisedimet konstruktive”, tha ajo.
“Ne duhet të kemi parasysh se liria e lëvizjes është një pjesë integrale e Bashkimit Evropian”, tha kancelarja Merkel.

Gjermania nuk e sheh si të lehtë problemin e emigracionit në Zvicër, por me të vërtetë është duke bërë përpjekje për të negociuar me Zvicrën për të gjetur zgjidhje.

Presidentja federale, Simonetta Sommaruga, njoftoi se Qeveria  e Zvicrës do të paraqesë në vjeshtë, pas konsultimeve të mëtejshme me Komisionin e BE-së, një propozim legjislativ se si mund të zbatohet vendimi i referendumit. “Gjendja është e vështirë dhe mbetet e vështirë”, shtoi ajo.​