Suksesi i grave në agrokulturë

Gratë sipërmarrëse vazhdojnë të tregojnë suksese në fushën e agrokulturës ҫdo ditë duke sjellë rezultate në sektorin privat

Agrolultura është njëri nga sektorët ku gratë kosovarë mund të shënojnë rezultate të kënaqshme në biznes. Njëra nga gratë sipërmarrëse është Shkurte Rrustemi, nga fshati Baba i Bokës në Komunën e Gjakovës, e cila ka arritur suksese të jashtëzakonshme në mbjelljen e produkteve të ndryshme bujqësore, kryesisht atyre të imta.

Shkurta ka të regjistruar biznesin në emrin e saj që nga viti 2002. ajo tashmë biznesin e ka punë familjare ku jeton bashkë me burrin dhe gjashtë fëmijë.
Familja Rrustemi posedojnë 10 hektarë tokë, ku kanë të mbjell produkte të ndryshme, por kryesisht pemë të imëta, mjedër, dredhëza, aroni e zezë, manaferra. Ajo po ashtu ka një serë të madhe nga e cila shet produktet të tjera, turshi, reçel, ajvar dhe pingjur.

Familja Rrustemi posedojnë mullirin e misrit, makinën e qepjes së thasëve për ambalazhimin e miellit të misrit, makinën e fshirjes së misrit, makinën e bollgurit dhe peshoren, pajisje këto që ia mundësojnë përpunimin e misrit dhe shitjen e tij si miell.

Po ashtu familja Rrustemi është përfituese e tenderit nga komuna e Gjakovës, për shpërndarjen e fidanëve të frutave të imëta në komunitet (përfituesve nga Komuna).

Fshati Baba i Bokës, komuna e Gjakovës, karakterizohet me mungesë të ujit. Asaj aktualisht tha se i mungon vetëm një teknologji e sterilizimit të kavanozave. Ndryshe, Ministra e Bujqësisë këtë vit, por edhe vitin e kaluar ka ndihmuar dhjetar gra sipërmarrëse, në formë granash për zhvillimin e biznesit familjar.