Asociacioni kufizon sovranitetin e Kosovës

Me këtë Asociacion nuk po krijohet një “Republika Srpska” në Kosovë, por një sovranitet i kufizuar në një pjesë të territorit të vendit, tha Mjako

Ish-kryeministri i Shqipërisë, Pandeli Majko e konsideron jo funksional themelimin  Asociacionit të Komunave me shumicë serbe. Ai thotë me këtë Asociacion nuk po krijohet një “Republika Srpska” në Kosovë, mirëpo “është një eksperiment që prodhon një sovranitet të kufizuar në një pjesë të territorit të vendit”.

Majko, i cili njëherësh është deputet i Partisë Socialiste në Parlamentin e Shqipërisë gjatë një interviste për “Zëri” thotë se Serbia po kërkon ta ruajë influencën e vendimmarrjes në Kosovë, duke kërkuar që përveç shtetit serb të garantojë një “hapësirë” të interesave të veta në një hapësirë që është më e madhe sesa territori ku ushtron sovranitet.

Majko, ka folur edhe për ushtrinë e shtetit më të ri në Evropë, duke thënë se ky shtet do t’i formalizojë forcat e veta të armatosura, ndërsa e kundërshton çdo mundësi se me marrëvesjete  fundit në Bruksel, e veçanërisht me Aasociacionin e Komunave serbe Koosva bëhet më pro-evropiane.

Majko flet edhe për Luginën e Preshevës dhe Asociacionin e shqiptarëve atje. Ai thotë se shqiptarët në Luginë meritojnë më shumë mbështetje nga Prishtina e Tirana.