Xhaka tregon pse nuk ia la penalltinë Manzambit

Xhaka: Përvoja duhej të kishte përparësi, prandaj e godita unë penalltinë

Kapiteni i Zvicrës shënoi golin e katërt në fitoren 4:1 ndaj Bosnjë-Hercegovinës dhe vlerësoi paraqitjen e talentit Johan Manzambi, transmeton albinfo.ch.

Kapiteni i Kombëtarja e Zvicrës, Granit Xhaka, ka shpjeguar vendimin për ta ekzekutuar penalltinë në minutat shtesë të ndeshjes ndaj Bosnjë dhe Hercegovinë, edhe pse talenti Johan Manzambi ishte pranë realizimit të një “hat-tricku”.

Zvicra fitoi 4:1, ndërsa Xhaka vulosi rezultatin nga pika e bardhë në fund të takimit. Sipas FIFA-s, shumëkush priste që penalltia t’i besohej 20-vjeçarit Manzambi, i cili kishte shkëlqyer gjatë ndeshjes, por përgjegjësinë e mori kapiteni.

“Johani është i ri dhe ka një të ardhme të madhe përpara. Kam lënë që përvoja të kishte përparësi dhe mora penalltinë këtë herë”, deklaroi Xhaka pas ndeshjes.

Me këtë gol, 33-vjeçari u bë lojtari i dytë në historinë e Zvicrës që shënon në tre edicione të ndryshme të Kupës së Botës, pas Xherdan Shaqiri.

Xhaka e cilësoi fitoren si shumë të rëndësishme, sidomos pas barazimit në ndeshjen hapëse ndaj Katar.

“Kemi katër pikë pas dy ndeshjeve dhe kemi luajtur shumë mirë. Krijuam shumë raste, njësoj si ndaj Katarit, dhe jemi të lumtur që morëm tri pikët. Ishte shumë e rëndësishme”, tha ai.

Kapiteni zviceran shtoi se zëvendësimet e bëra gjatë pjesës së dytë ndikuan pozitivisht në lojën e ekipit dhe ndihmuan që Zvicra ta mbyllte ndeshjen me një fitore bindëse./Albinfo.ch

---