Turqia eliminohet nga Botërori, Paraguai ia mbyll dyert e kualifikimit

Turqia jashtë Botërorit, Paraguai fiton duelin vendimtar

Kombëtarja e Turqisë i ka dhënë fund aventurës në Kupën e Botës 2026, pasi u mposht me rezultat minimal 1-0 nga Paraguai në ndeshjen e dytë të fazës së grupeve, përcjell albinfo.ch.

Skuadra e drejtuar nga Vincenzo Montella nuk arriti të rikuperohej pas humbjes së parë dhe mbeti pa asnjë mundësi për të siguruar kalimin në fazën tjetër të garës.

Paraguai e zgjidhi ndeshjen që në minutën e dytë, kur Galarza realizoi golin e vetëm të takimit. Edhe pse turqit tentuan të reagojnë gjatë pjesës tjetër të ndeshjes, mungesa e efikasitetit para portës u kushtoi shtrenjtë.

Ekipi jug-amerikan luajti gjithë pjesën e dytë me një futbollist më pak, pasi Almiron u ndëshkua me karton të kuq pas ndërhyrjes së sistemit VAR, por arriti ta ruajë epërsinë deri në vërshëllimën e fundit.

Me këtë humbje, Turqia eliminohet zyrtarisht nga Botërori 2026, ndërsa Paraguai mban gjallë shpresat për kualifikim në fazën eliminatore./Albinfo.ch

---