Arrestohen 10 shqiptarë në lokalet e lojërave të fatit

Bëhet fjalë për shtatë femra që punonin ilegalisht në lokale me lojëra fati dhe tre meshkuj, njëri prej tyre drejtues i lokalit, të dyshuar për delikte të ndryshme

Policia e Kantonit të Cyrihut, më 24 shtator në natën në mes të të mërkurës dhe të enjtes, me rastin e një kontrollimi regjional në Hinwil ka arrestuar dhjetë persona, shtetas të Shqipërisë. Bëhet fjalë për shtatë femra që punonin ilegalisht në lokale me lojëra fati dhe tre meshkuj, njëri prej tyre drejtues i lokalit, të dyshuar për delikte të ndryshme.

Policia në kuadrin e fushatës së së saj për shtatë orë të tëra ka bërë kontrollimin e një numri lokalesh dhe të mysafirëve dhe pronarëve që ndodheshin aty, bëhet e ditur në një njoftim me shkrim të policisë. Me këtë rast ajo ka konstatuar se 7 femra që punonin në këto lokale nuk posedonin leje pune prandaj i ka arrestuar, transmeton lajmin albinfo.ch

Në lidhje me këto kontrollime janë bërë edhe bastisjet e disa banesave të personave të dyshuar. Në këto raste policët kanë konfiskuar dy revole përfshirë edhe një shurdhues, mbi 20 orë luksoze, dy aparate elektroshok, një pfeferspray dhe një veturë luksoze.

Të gjithë të arrestuarit janë shtetas shqiptarë të moshave 19 deri 47 vjeçare. Ata/ato i janë dorëzuar prokurorisë përgjegjëse See/Oberland.