Shkodër, vritet komandanti i Njësisë Speciale

Komandanti i Ndërhyrjes së Shpejt të policisë u vra gjatë një operacioni për kapjen e një të dyshuari për tentimvrasje. Policia gjuajti me autoblindë shtëpinë e të dyshuarit

Komandanti i Forcave të Ndërhyrjes së Shpejtë në Policinë e Shkodrës, Simon Gjeta është vrarë dhe një qytetarë tjetër është plagosur gjatë operacioni në fshatin Oblik të kësaj komune. Efektivi i njësive të shpejta u vra gjatë një operacioni për kapjen e një të dyshuari, i cili ka bërë një rezistencë  ndaj policisë.

Menjëherë pas këtij rasti, i cili ka shokuar rajonin e Shkodërs, por edhe institucionet në Tiranë, ka ndërhyrë forcat speciale të RENEA-s dhe Forcat e Ndërhyrjes së Shpejt për të arrestuar 50-vjeçarin Ruzhdi Arishta. Mesëohet se ndaj shtëpisë së tij është përdorur një autoblindë e cila ka rrëzuar gjysmën e shtëpisë, pasi ai kishte refuzuar dorëzimin.

Madje, kur ka parë uniformat blu të afrohen, ai ka hapur zjarr ndaj tyre, duke detyruar efektivët e RENEA-s të përdorin gaz lotësjellës.

Burimet policore kanë saktësuar se, Arishta ishte përfshirë në një konflikt me një fqinjin e tij në fshatin Oblikë, gjatë të cilit kishte qëlluar me armë 21-vjeçarin Besmir Sherbela. Ky i fundit u dërgua në spital, ku ndodhet jashtë rrezikut për jetën, raporton TCH.

Burimet shtojnë më tej se Arishta njihet si person problematik dhe me rrezikshmëri shumë të lartë. Për kapjen e tij uniformat blu kanë bllokuar aksin kombëtar Shkodër-Muriqan, që shkon drejt Ulqinit, dhe u kanë bërë thirrje banorëve të zonës që të qëndrojnë në shtëpitë e tyre.