Albanian Engineering of Switzerland: Tre të nominuar për Çmimin e Ekselencës Akademike 2026

Albanian Engineering of Switzerland (AES) ka prezantuar tre të nominuarit përfundimtarë për edicionin e dytë të Çmimit të Ekselencës Akademike 2026. Ky çmim prestigjioz synon të vlerësojë arritjet e jashtëzakonshme akademike, punën kërkimore, inovacionin dhe kontributet e veçanta të studentëve shqiptarë në komunitetin akademik në Zvicër.

Të nominuarit e këtij viti janë Kemal Can Struja, Shkurta Gashi dhe Lindon Bytyqi, të cilët janë përzgjedhur për arritjet e tyre akademike, angazhimin në kërkim dhe kontributin në fushat përkatëse.

Fituesi i Çmimit të Ekselencës Akademike 2026 do të shpallet zyrtarisht më 19 shtator 2026, gjatë mbrëmjes swissalbs Award Gala Night, që do të mbahet në Cyrih.

Ky vlerësim, i mbështetur nga Albanian Engineering of Switzerland (AES), synon jo vetëm të nderojë sukseset individuale të studentëve shqiptarë në Zvicër, por edhe të promovojë dijen, kërkimin dhe inovacionin, duke shërbyer njëkohësisht si frymëzim për gjeneratat e reja.

Lexoni po ashtu:

Përparim Avdili për albinfo.ch: swissalbs po ndërton një komunitet më të fuqishëm dhe më të dukshëm në Zvicër