Më shumë se 4,000 të vdekur nga Ebola në Kongo

Numri i të vdekurve është më shumë se katër herë më i lartë se në javën e 20-të të shpërthimit të ebolas në Afrikën Perëndimore

Zyrtarët e shëndetësisë në vendin e Afrikës Qendrore raportuan se që nga mesi i majit, 8,300 raste të Ebolës janë konfirmuar në laborator dhe 4,018 njerëz kanë vdekur nga sëmundja shumë ngjitëse. Aktualisht, 842 persona po marrin trajtim ose janë në izolim, dhe 2,162 konsiderohen të shëruar, transmeton albinfo.ch. Shkalla e vdekshmërisë është 48.4 për qind.

“Ky është shpërthimi i Ebolës me rritjen më të shpejtë që kemi parë ndonjëherë”, theksoi Wessam Mankoula, Drejtor i Emergjencave në CDC të Afrikës, shkruan Keystone-SDA. Tani në javën e 20-të që nga njoftimi i shpërthimit, numri i rasteve është 4.6 herë më i lartë se në të njëjtën javë të shpërthimit më të madh të Ebolës deri më sot, i cili ndodhi në Afrikën Perëndimore midis viteve 2014 dhe 2016.

Numri i të vdekurve është më shumë se katër herë më i lartë se në javën e 20-të të shpërthimit në Afrikën Perëndimore. Dyshohet se shpërthimi në Kongo mund të ketë kaluar pa u zbuluar që nga shkurti.

Aktualisht nuk ka vaksinë ose trajtim për llojin aktual të Ebolës.

Virusi Ebola transmetohet nëpërmjet kontaktit fizik dhe kontaktit me lëngjet trupore dhe shkakton një ethe shumë ngjitëse të shoqëruar me diarre dhe gjakderdhje.

Shpërthimi aktual është veçanërisht i vështirë për t’u përmbajtur sepse aktualisht nuk ka as një vaksinë specifike dhe as një trajtim specifik për llojin Bundibugyo të Ebolës.

---