Kosova ndër vendet evropiane me përfaqësimin më të lartë të grave në institucionet drejtuese

Pas zgjedhjes së Justina Shiroka-Pulës presidente, dy nga tri pozitat kryesore shtetërore në Kosovë drejtohen nga gra.

Kosova renditet ndër vendet evropiane me përfaqësimin më të lartë të grave në pozitat kryesore drejtuese të shtetit, transmeton albinfo.ch.

Zgjedhja e Justina Shiroka-Pulës në postin e presidentes së Republikës ka bërë që dy nga tri institucionet kryesore shtetërore të Kosovës të drejtohen nga gra.

Përkrah presidentes Shiroka-Pula, Kuvendi i Kosovës drejtohet nga kryetarja Albulena Haxhiu, ndërsa posti i kryeministrit mbetet i mbajtur nga një burrë.

Në këtë aspekt, Kosova është pjesë e një grupi të vogël shtetesh evropiane ku gratë kanë një prani të konsiderueshme në nivelet më të larta institucionale.

Islanda kryeson me gra në drejtimin e tri institucioneve kryesore shtetërore, ndërsa Kosova dhe Irlanda kanë nga dy gra në këto pozita.

Zgjedhja e presidentes së re e ka ndryshuar kështu edhe përbërjen gjinore të udhëheqjes së institucioneve më të larta të Kosovës, duke e vendosur vendin në mesin e shteteve evropiane me përfaqësimin më të lartë të grave në nivelet drejtuese./Albinfo.ch

---