Rritja e çmimeve të karburanteve, e nxitur nga tensionet dhe konfliktet gjeopolitike, po përshpejton kalimin drejt veturave elektrike. Sipas ekonomistit francez Flavien Neuvy, tranzicioni drejt elektromobilitetit ka përparuar rreth dy deri në dy vjet e gjysmë më shpejt se sa ishte parashikuar.
Hapja e dyerve të Panairit të Automobilave në Paris e gjen industrinë e veturave në një periudhë ndryshimesh të rëndësishme, të ndikuara nga rritja e çmimeve të naftës dhe pasiguritë gjeopolitike.
A po i favorizojnë zhvillimet aktuale kalimin drejt veturave elektrike? Ekonomisti francez Flavien Neuvy beson se po.
“Do të ketë një periudhë para dhe pas luftës në Iran”, deklaroi Neuvy, drejtor i Observatorit Cetelem, institucion që analizon tendencat e konsumatorëve, veçanërisht në sektorin e automobilave, në një intervistë për programin radiofonik La Matinale.
