Rriten për 100 euro pensionet në Kosovë

Më 17 tetor (sot) kur në botë shënohet Dita e Varfërisë, 25 mijë familje kosovare me 130 mijë anëtarë që jetojnë nga ndihmat sociale do të kenë rritje për 25% të këtyre ndihmave. Aktualisht këto ndihma janë nga 40 deri 80 euro.

Po ashtu pensionistët do të kenë një ngritje​ të madhe, për 100 euro të pensioneve të tyre. Ngritja do të merret nga dhjetori i këtij viti.

Këtë e ka kumtuar ministri i punës dhe çështjeve sociale, Arban Abrashi në një intervistë dhënë gazetës Zëri.
Abrashi ka bërë të ditur se falë kursimeve të Qeverisë dhe disiplinimit të skemës sociale ka arritur të kursejë mjete me të cilat edhe do të bëjë këtë rritje të asistencës sociale dhe të pensioneve.