Grupi gjerman Lufthansa ka fituar garën ndaj Air France-KLM për blerjen e një pjesëmarrjeje prej 44,9 për qind në kompaninë ajrore portugeze TAP Air Portugal.
Kryeministri i Portugalisë, Luís Montenegro, bëri të ditur se oferta e Lufthansa-s kap vlerën e 1,025 miliardë eurove, duke qenë 16 për qind më e lartë se ajo e konkurruesit francezo-holandez.
Pavarësisht privatizimit të pjesshëm, shteti portugez synon të ruajë të paktën 50,1 për qind të aksioneve, për të garantuar identitetin kombëtar të kompanisë dhe vazhdimin e rolit strategjik të Lisbonës si qendër lidhëse për fluturimet drejt Brazilit dhe Afrikës.
TAP Air Portugal u shtetëzua në vitin 2020, gjatë pandemisë COVID-19, dhe mori 3,2 miliardë euro ndihmë publike, në këmbim të zbatimit të një plani ristrukturimi.
Kompania ka rreth 7.700 punonjës dhe një flotë prej afërsisht 100 avionësh Airbus.
