Yllka Cana, shqiptarja në hierarkinë e ushtrisë amerikane

Togerja shqiptare në ushtrinë amerikane, Yllka Cana me sukses të madh është duke u ngjitur në hierarkinë e ushtrisë amerikane. Vajza nga Livoçi i Gjilanit pritet të bëhet kapitene në ushtrinë amerikane.

Faqja në Facebook “Albanian Success Story”  e cila në vazhdimësi publikon storiet e shqiptarëve të suksesshëm në Amerikë, kësaj radhe ka publikuar për Yllka Canën.

Yllka në moshën 10 vjeçare kishte lënë Kosovën dhe së bashku më familjen e saj kishin shkuar si refugjatë në Amerikë.  Ajo studioi në Amerikë në drejtimet Shkenca Politike, Siguria Kombëtare e Shkencat Ushtarake dhe diplomoi me temën “Ndërhyrja ushtarake”. Yllka u trajnua për të drejtat themelore të njeriut në “The Path to Peace Foundation and the Holy See at the United Nation.

Aktualisht ajo është togere  në ushtrinë amerikane dhe merret me analizimin dhe zbulimin e zonave konflikte, që mund të kenë ndikim në sigurimin ndërkombëtar.  Yllka  në vitin 2013 ishte pjesë e misionit të KFOR-in në Kosovë.
Në një organizim që do të mbahet me 25 tetor në New York, ndër të tjerë edhe Yllka do të tregoj një storie mbi sukseset e saj.