Vetëvendosje, kundër “Zajednicës“ edhe në Cyrih

Sot, në qytetin e Cyrihut, qendra e lëvizjes “Vetëvendosje” për Zvicër ka organizuar një protestë. Në Cyrih u protestua kundër “zajednicës” dhe kundër demarkacionit kufitar me Malin e Zi.

“‘Zajednica’ është projekt famëkeq dhe jashtëzakonisht i dëmshëm, që si kërkesë erdhi nga pushtetarët e Serbisë, dhe u pranua nga pushtetarët tanë servilë e antikombëtarë në Kosovë. Krijimi i saj e bosnjëzon vendin, duke ia copëtuar territorin, përmes kompetencave ekzekutive që do t’i jepen asaj në 30% të territorit”, thuhet në komunikatën e publikuar në facebook nga organizatorët e protestës.

‘Zajednica’ cënon shtetin e Kosovës. E ardhmja me ‘Zajednicë’ brenda shtetit bëhet e pasigurtë!

Prandaj, edhe Diaspora i bashkëngjitet popullit të Kosovës në kauzën e tyre për mbrojtje të Republikës. Fuqishëm në kundërshtim të ‘Zajednicës’ dhe për mbrojtje të sovranitetit të Kosovës”, përfundon komunikata.