Protesta masive në Podgoricë

Dyshohet se kryeministri Milo Gjukanovic ka ikur nga vendi. Protestuesit i kanë dhënë atij ultimatum të jap dorëheqje deri të shtunën

Mijëra qytetarë nën organizmin e Frontit Demokratik po protestojnë në Podgoricë duke kërkuar dorëheqjen e kryeministrit Milo Gjukanovic. Protestuesit i kanë dhënë ultimatum Qeverisë së malit të Zi, që të japë dorëheqje deri të shtunën e ardhshme dhe të marrë vendim për një qeveri kalimtare.

Në të kundërtën, siç ka thënë lideri i Fontit Demokratik, Andrija Mandic, i gjithë Mali i Zi do të zhvendoset në Podgoricë.

Disa incidente kanë ndodhur gjatë protestës, kur protestuesit e kanë gjuajtur me shishe dhe gurë policinë. Në protestë sipas Gazetës Vijesti kanë marrë pjesë edhe persona të maskuar. Ndërkohë që tek Kuvendi i Malit të Zi ku është shënuar edhe incidenti më i madh, policia ka përdorur gazin lotsjellës, raporton express.

Më mesin e protestuesve kishte edhe njerëz të maskuar, ndërsa kërkesa e tyre është që Gjukanoviq, të cilin ata e quajnë diktator, të largohet nga qeverisja. Sipas protestuesve, të cilët er gjuajtën me gurë objektin e qeverisë, ky kryeministër po i sjell të keqe këtij vendi.

Gjatë tubimit, Mandic ka thënë se kryeministri i Malit të Zi e ka lëshuar vendin me aeroplan në ora 18 e 30. Megjithatë një gjë e tillë nuk është konfirmuar.