FC Basel ka rikthyer kujtimet e një periudhe të veçantë përmes një fotografie të Taulant Xhakës dhe Xherdan Shaqirit, të cilët nisën rrugëtimin e tyre futbollistik në këtë klub, transmeton albinfo.ch.
Fotografia sjell ndërmend vitet kur dy futbollistët shqiptarë ishin ende fëmijë dhe stërviteshin në klubin që do të bëhej një pjesë e rëndësishme e karrierës së tyre.
Taulant Xhaka i dha fund karrierës së tij si futbollist te Baseli rreth një vit më parë, duke mbyllur një kapitull të gjatë me klubin zviceran. Ndërkohë, Shaqiri vazhdon të mbetet një emër i lidhur ngushtë me historinë e Baselit.
Publikimi i fotografisë shërben si një rikthim emocional në fillimet e dy lojtarëve, të cilët nga fëmijët që stërviteshin në Basel u shndërruan në futbollistë të njohur./Albinfo.ch
