Dokumente online me “E-Kioskun” e Prishtinës

Nga sot aparatit online “E-Kiosku” është azhurnuar për t'i furnizuar qytetarët me pesë lloj dokumentesh, përfshirë edhe Certifikatat e Shtetësisë dhe të Vendbanimit

Komuna e Prishtinës e ka sofistikuar rrjetin online të dhënies së dokumente nëpërmjet projektit “E-Kiosku”, i cili kaq eneë funksional tash e disa muaj, por duke lëshuar vetëm Ekstrakte të Lindjes në mënyrë automatike. Nga sot aparatit është azhurnuar për t’i furnizuar qytetarët me pesë lloj dokumentesh: Ekstrakti i Lindjes, Certifikata e Lindjes, Certifikata e Martesës, Certifikata e Shtetësisë dhe Certifikata e Vendbanimit.

“Me këto dokumente mbulohen kërkesat vjetore të qytetarëve nga 80 deri 85 për qind, dhe lëshimi i këtyre dokumenteve është në dakordim të plotë me Agjencinë e Regjistrimit Civil. Për më tepër, të gjithë qytetarët e Kosovës të cilat janë në sistem, mund ta shfrytëzojnë këtë mundësi, me çka edhe radhët nëpër sportele do të pakësohen akoma më shumë”, thuhet në njoftimin e Komunës së kryeqytetit.

Nga E-Kiosku, sipas të njëjtit njoftim, deri më tash janë lëshuar mbi 4 mijë ekstrake të lindjes, gjë që ka tejkaluar të gjitha pritjet “dhe ka zgjuar interesim përveç tjerëve edhe tek ambasadat e Francës dhe Gjermanisë në Kosovë”.