Paga minimale në kantonin Basel-Stadt do të rritet me 30 centi për orë nga viti 2027. Ajo do të arrijë në 22,50 franga bruto, krahasuar me 22,20 franga sa është gjatë vitit 2026.
Sipas të dhënave zyrtare të kantonit, për një javë pune prej 40 orësh, paga minimale mujore do të jetë 3.900 franga bruto. Për punonjësit me 42 orë pune në javë, ajo do të arrijë në 4.095 franga.
Punonjësve që paguhen me orë u shtohen edhe kompensimet për pushimet vjetore dhe festën kombëtare. Për ata me katër javë pushim, shuma e përgjithshme do të jetë 24,46 franga për orë, ndërsa për pesë javë pushim do të arrijë në 24,98 franga, shkruan swissinfo.ch, transmeton albinfo.ch.
Paga minimale kantonale zbatohet në parim për personat që punojnë në Basel-Stadt, pavarësisht se ku e ka selinë punëdhënësi. Përjashtohen, ndër të tjera, sektorët që mbulohen nga kontrata kolektive pune të shpallura përgjithësisht të detyrueshme.
Basel-Stadt e ka në fuqi pagën minimale që nga 1 korriku 2022. Ajo përshtatet çdo vit, me synimin që të ardhurat nga një vend pune me orar të plotë të mjaftojnë për jetesë.
