Ministri i Punëve të Brendshme të Francës, Laurent Nunez, ka deklaruar se autoritetet franceze po përgatiten për trazira të tjera në rrugë fundjavën e ardhshme, pavarësisht një operacioni të gjerë të sigurisë që ndihmoi në kontrollimin e demonstratave mbarëkombëtare të së shtunës.
Deri tani, në përgjigje të trazirave, ministria e Brendshme ka angazhuar 70.000 policë për demonstratat e së shtunës që shkoi, të cilat sindikatat i organizuan për të kundërshtuar koston e lartë të jetesës dhe gjendjen e shërbimeve publike.
Nunez ka thënë se prania e madhe policore ka parandaluar përsëritjen e dhunës së parë në fillim të këtij muaji.
I pyetur nga BFM TV nëse priste trazira të tjera gjatë demonstratave të planifikuara për 31 tetor, ai u përgjigj: “Padyshim që po”.
“Mbrëmja e Halloëeen-it tradicionalisht është gjithmonë pak e trazuar. Presim që situata të jetë sërish e ndërlikuar”, ka shtuar ai, transmeton albinfo.ch.
