Të gjitha lidhjet TGV ndërmjet stacionit Basel SBB dhe Parisit janë anuluar për datat 14 dhe 15 nëntor për shkak të punimeve në hekurudhë, përcjell albinfo.ch.
Sipas njoftimit të Hekurudhave Federale të Zvicrës (SBB), punimet në këtë itinerar zhvillohen nga 13 deri më 16 nëntor, ndërsa ndërprerja e të gjitha trenave TGV prek dy ditët e fundjavës.
Udhëtarët që kanë planifikuar udhëtim në këtë drejtim duhet të kontrollojnë lidhjet alternative dhe oraret e përditësuara përpara nisjes.
Ndryshime ka edhe në itinerarin Cyrih–Mynih. Nga 13 deri më 16 nëntor janë anuluar të gjitha lidhjet EuroCity ndërmjet Lindau-Reutin dhe Mynihut. Për shumicën e tyre janë parashikuar autobusë zëvendësues deri te terminali ZOB Hackerbrücke në Mynih./Albinfo.ch
