Aldi Suisse ka tërhequr filetot mini pule për shkak të kontaminimit me Listeria. Zyra Federale për Sigurinë Ushqimore dhe Çështjet Veterinare njoftoi të premten se Listeria ishte zbuluar në pako 150 gramëshe Mini Classic, Mini Curry dhe Mini Peppers, transmeton albinfo.ch.
Aldi paralajmëroi kundër konsumimit të produkteve me datat e skadimit në nëntor 2026 dhe i ka hequr këto produkte nga shitja.
Zyra Federale për Sigurinë Ushqimore dhe Çështjet Veterinare deklaron se një infeksion është zakonisht i lehtë ose edhe asimptomatik tek njerëzit me sistem imunitar të shëndetshëm, shkrun Keystone-SDA.
Megjithatë, tek të porsalindurit, foshnjat, të moshuarit, gratë shtatzëna dhe individët me imunitet të dëmtuar mund të zhvillohet një sërë simptomash të rënda, disa prej të cilave mund të jenë fatale.
Tek gratë shtatzëna, infeksioni mund të çojë në abort, ose fëmija mund të lindë me sepsë ose meningjit.
Zyra Federale rekomandon që konsumatorët që kanë konsumuar produkte të prekura të konsultohen me një mjek nëse nuk janë të sigurt.
