Shfaqja teatrore „Pesë Fytyrat e Heshtjes” (Five Kinds of Silence), në produksion të Teatrit „Migjeni” nga Shkodra, do të prezantohet më 27 nëntor 2026 në qytetin e Këlnit, në Gjermani, njofton albinfo.ch.
Aktiviteti organizohet nga URACult dhe bazohet në veprën e autores britanike Shelagh Stephenson. Drama trajton tema të ndjeshme shoqërore, si dhuna dhe abuzimi në familje, duke vënë në pah pasojat e heshtjes dhe frikës.
Nën regjinë e Ilir Bokshit, në shfaqje interpretojnë aktorët Adrian Morina, Albulena Bokshi, Ina Morinaj, Uratë Shabani, Nikolin Ferketa dhe Fritz Selmani, nga Kosova dhe Shqipëria.
Shfaqja do të prezantohet në gjuhën shqipe, me titra në anglisht.
Organizatorët kanë bërë të ditur se aktiviteti do të mbahet në adresën Grüner Weg 5 / Melatengürtel, 50825 Köln-Ehrenfeld, ndërsa hyrja është nga ora 19:30.
Për realizimin e këtij aktiviteti, URACult ka falënderuar për mbështetjen Konsullatën e Përgjithshme të Republikës së Kosovës në Düsseldorf, si dhe për bashkëpunimin Teatrin „Migjeni” dhe KKT – Kölner Künstler:innen Theater.
Biletat mund të sigurohen përmes platformës Qultor, ndërsa për anëtarët e URACult ofrohet çmim i reduktuar./Albinfo.ch