Violinisti Alban Pengili debuton në cilësinë e kompozitorit

Në një «koncert special» që mbahet këtë të shtunë, më 31 tetor në Lüdinghausen, violinisti i shquar shqiptar me qëndrim në Gjermani, Alban Pengili do të ketë debutimin e tij në cilësinë e kompozitorit. Ai, para një publiku që e njeh shumë mirë si violonist, kësaj radhe do të paraqitet me kompozime të bëra vetë, […]

Në një «koncert special» që mbahet këtë të shtunë, më 31 tetor në Lüdinghausen, violinisti i shquar shqiptar me qëndrim në Gjermani, Alban Pengili do të ketë debutimin e tij në cilësinë e kompozitorit. Ai, para një publiku që e njeh shumë mirë si violonist, kësaj radhe do të paraqitet me kompozime të bëra vetë, të mbështetura në këngë dhe valle nga tradita popullore shqiptare. Pengili do t`interpretojë ato me violinë si solist, një homazh ky atdheut të tij, Shqipërisë, shkruan gazeta”westfüallische Nachrichten”.

Alban Pegilin, publiku i Lüdinghausenit e njeh tashmë si anëtar të orkestrës “Musica Camerata” por edhe si solist të suksesshëm.

Në koncertin e të shtunës, pjesëmarrësit e kanë përpiluar programin me pjesët e tyre të preferuara muzikore. Koncerti mbahet si fryt i bashkëpunimit në mes të “Musica Camerata” dhe Forumit Kulturor “KAKTus”.