Ballkanasit, më së shumti delikte nga të gjithë refugjatët

Ministri Maiziere: Si më të perfshirë në delikte bien në sy azilkërkuesit nga disa vende si Serbia, Kosova dhe Maqedonia!

Refugjatët në përgjithësi nuk kryejnë vepra penale më shumë se pjesa tjetër e qytetarëve . kështu ka deklaruar sot ministri i brendshëm gjerman, Thomas de Maiziere duke dashur t`i përgënjeshtrojë përgjithësimet që bëhen në këtë drejtim. Por ai ka thënë se është e vërtetë që ka një shtim të delikteve me shtimin e numrit të refugjatëve në vend. Kjo është e kuptueshme për vetë faktin se është shtuar numri i banorëve. Mirëpo “refugjatët në mesataren e tyre janë njësoj rrallë ose njësoj shüesh të përfshirë në delikte, në raport me grupet tjera të krahasueshme”, ka thënë ministri.

Pra, nuk ka “rritje mbiproporcionale të kriminalitetit”. Mirëpo, ka sqaruar ministri, si më të perfshirë në delikte bien në sy azilkërkuesit nga disa vende. Dhe këto “disa vende” nuk janë Siria dhe Iraku por Serbia, Kosova dhe Maqedonia!

Deliktet që janë regjistruar më së shpeshti nga fillimi i vitit e deri në fund të shtatorit, të kryera nga refugjatët kanë qenë deliktet pronësore dhe ato të falsifikimit dhe vjedhjet. Këto përbëjnë 67% të të gjitha delikeve të kryera nga refugjatët në periudhën e përmendur.