Danimarka dhe Norvegjia ashpërsojnë ligjet e azilit

Parlamenti i Danimarkës në të njëjtën kohë me Qeverinë e Norvegjisë kanë miratuar ndryshime në Ligjin për të Huajt, me çfarë të dyja vendet kanë ashpërsuar politikën e tyre të azilit.

E ligjin e ri, policia në Danimarkë ka të drejtë t`i arrestojë refugjatët që vijnë në këtë vend për një kohë të shkurtër por të padefinuar në mënyrë të saktë. Ky arrest do të shërbejë vetëm për të verifikuar identitetin e refugjatit.

Po kështu, në rastet kur një kërkim azili refuzohet, personi me kërkesë të refuzuar mund të arrestohet më shpejt dhe më shpesh se që ka qenë e lejuar deri më tash, bën të ditur srf.ch duke iu referuar medieve daneze. Kjo masë do të mundësojë dëbimin më të shpejtë dhe më efikas të azilkërkuesve në fjalë.

Ndërsa në Norvegji, autoritetet me ligjin e ri do të kenë të drejtë që azilkërkuesit që nuk kanë bazë për kërkim azili t`i kthejnë prej nga kanë ardhur që me hyrjen e tyre brenda kufijve të shtetit.