Katërnjakët shqiptarë së shpejti lëshojnë spitalin

Katërnjakët e familjes refugjate shqiptare që lindën në muajin tetor në Klinikën Universiare të Jena-s janë në gjendje stabile shëndetësore. Ata pritet që gjatë muajit dhjetor të dalin ga spitali ku janë duke u trajtuar, njoftohet nga klinika.
Katërnjakët, tri vajzat dhe një djalë, tashmë kanë arritur peshën optimale, gjegjësisht nga 2100 deri 2400 gramë që u lejon daljen nga spitali.
Siç është shkruar tashmë nga shumë medie gjermane dhe transmetuar nga albinfo.ch. Për familjen e katërnjakëve familjet gjermane kanë grumbulluar shumë veshmbathje dimri, lodra  dhe gjësende tjera të nevojshme për të vegjëlit.
Prindërit kishin kërkuar azil në Gjermani në korrik të këtij viti. Ata e kishin arsyetuar kërkesën e azilit me mungesën e kushteve të përkujdesjes mjekësore në Shqipëri.