Grekët kanë 4 miliardë franga në bankat zvicerane

Gjermania i ka ofruar Athinës informacione për rreth 10 mijë grekë në Zvicër që kanë gati katër miliardë franga zvicerane

Gjermania me Athinën kanë shkëmbyer informacione për afro 10 mijë llogari bankare në bankat zvicerane, në bazë të të cilave është e mundur të zbulohen detajet e evazionit të mundshëm tatimor nga ana e qytetarëve grekë, sipas agjencive ndërkombëtare.

Autoritetet gjermane në Nordrhein-Westfalen thonë se qytetarët dhe kompanitë greke në llogaritë e bankave zvicerane mbajnë rreth katër miliardë franga zvicerane, raporton AP.

Rregulloret mbi sekretin bankar në Zvicër ka kohë që lejojnë shtetasit e huaj për të fshehur paratë në bankat lokale.

Megjithatë, Zvicra vitet e fundit ka nënshkruar disa marrëveshje bashkëpunimi me autoritetet e huaja tatimore.

Ministri i gjerman Financave, Walter Borjans, tha se të dhënat mund të ndihmojnë Greqinë për të zgjidhur pjesërisht problemin e evazionit fiskal.

Zvicra ka kritikuar përdorimin e të dhënave të llogarive nga autoritetet e huaja, sepse, sipas saj, këto të dhëna janë mbledhur në mënyrë të paligjshme.