A do të ndikojnë zgjedhjet e parakohshme në Francë në Lojërat Olimpike?

@pixabay

Kryebashkiakja e Parisit Anne Hidalgo ka deklaruar se ajo po e ka “të vështirë ta kuptojë” vendimin e Presidentit Emmanuel Macron për të thirrur zgjedhje parlamentare disa javë përpara se qyteti të presë Lojërat Olimpike.

Lojërat do të fillojnë më 26 korrik, pak më shumë se dy javë pas raundit të dytë të votimit më 7 korrik.

Anne Hidalgo, e cila është gjithashtu anëtare e Partisë Socialiste, e quajti këtë veprim “një goditje më shumë” nga presidenti.

Presidenti i Komitetit Olimpik, Thomas Bach, ndau një mendim më pozitiv, duke thënë se Franca ishte “mësuar me mbajtjen e zgjedhjeve” dhe të gjitha partitë mbështesin garën.

“Unë nuk kam asnjë tregues se ky unitet do të prishet tani vetëm disa ditë para hapjes së Lojërave Olimpike”, deklaroi ai.

Shefi i Paris 2024, Tony Estanguet tha se ekipi i tij ishte “më i vendosur se kurrë” për t’i bërë Lojërat të ishin një sukses i madh.

“Kanë qenë rreth 10 zgjedhje që kur kemi paraqitur kandidaturën për Olimpiadën dhe kemi kuptuar se si të punojmë me aktorët publikë”, tha ai.