Abazoviq: I kam kërkuar Kurtit të mos ketë konflikt me ndërkombëtarët

Dritan Abazoviq, Twitter

Kryeministri i Malit të Zi, Dritan Abazoviq, ka thënë se i ka kërkuar kryeministrit të Kosovës, Albin Kurti, të mos ketë konflikt me ndërkombëtarët dhe të kthehet në dialog.

“Më tha se tashmë kanë kontakte me Brukselin dhe se do të ketë bisedime. Përshtypja ime është se ka vullnet për t’i tejkaluar problemet”, tha Abazoviq për RTCG, përcjell albinfo.ch.

Sipas tij, Mali i Zi është i vetmi vend në Ballkanin Perëndimor që nuk ka çështje të hapura me askënd dhe i sugjeron Kurtit të njëjtën gjë ta bëjë.

“Nëse ne mund t’i ndihmojmë ata nga ana logjistike, ne jemi gati”, tha ai, përcjell albinfo.ch.