Aeroporti i Bazelit, me detyrim për mbajtjen e maskave mbrojtëse

Aeroporti Basel-Mulhouse është në një situatë të veçantë: ai duhet të përmbushë kërkesat e autoriteteve shëndetësore zvicerane dhe franceze

Aeroporti Basel-Mulhouse-Freiburg, që njihet edhe si Euroairport, u shërben tri shteteve: Zvicrës, Francës dhe Gjermanisë.) Ky aeroport, i pari ka vendosur një masë që mund të quhet drastike për kushtet e Zvicrës: detyrimin e mbajtjes së maskës mbrojtëse për të gjithë, si punonjësit ashtu dhe pasagjerët, shkruan albinfo.ch.

Aeroportet janë duke u përgatitur për të rifilluar fluturimet e pasagjerëve. Ata që udhëtojnë përmes Euroairport në Mulhouse do të duhet të vendosin një maskë mbrojtëse në të ardhmen, thonë autoritetet e aeroportit, raporton srf.ch.

Detyrimi për vënie maske është prezantuar si masë për të siguruar sigurinë e pasagjerëve dhe të të punësuarve, transmeton albinfo.ch. Aeroporti po merr gjithashtu një numër masash të tjera në këtë drejtim. Ndër to përfshihet respektimi i rreptë i distancës minimale sociale dhe i rregullave tjera të zbatueshme të higjienës, thuhet në mesazh.

Aeroporti Basel-Mulhouse është në një situatë të veçantë: ai duhet të përmbushë kërkesat e autoriteteve shëndetësore zvicerane dhe franceze.

---