Agim Aliu i PDK-së, kryetar i Ferizajt

Agim Aliu ka fituar 14.832 vota ose 57.59 për qind, ndërsa Adem Salihaj i LDK’së 10.922 vota ose 42.41 përqind

Sipas Komisionit Qendror të Zgjedhjeve, i cili posa ka publikuar rezultatet preliminare të raundit të dytë të garës për Kryetar të Komunës së Ferizajt, kryetar i ri i Ferizajt është Agim Aliu i PDK-së.

Agim Aliu ka fituar 14.832 vota ose 57.59 për qind, ndërsa Adem Salihaj i LDK’së 10.922 vota ose 42.41 përqind.

Dalja në votime ka qenë 27.49 për qind, ka njoftuar kryetarja e KQZ’së, Valdete Daka, që është më pak se në raundin a parë të zgjedhjeve, kur kishin votuar 31%. .

Zgjedhjet kanë kaluar pa incidente ndërsa Demokracia në Veprim ka shënuar disa parregullsi gjatë votimeve.