Kompanitë zvicerane po zgjerojnë edhe më tej fluturimet me këto shtete

Edelweiss Air i Zvicrës po zgjeron fluturimet e saj në SHBA dhe Kanada

Pasi linja ajrore SWISS njoftoi këtë javë se do të inaugurojë fluturimet direkte nga Cyrihu në Uashington DC dhe Toronto në pranverën e vitit 2024, një tjetër linjë ajrore, Edelweiss Air, tha gjithashtu se fluturimet e reja për në Amerikën e Veriut do të nisin vitin e ardhshëm, përcjell albinfo.ch.

Edelweiss me bazë në Cyrih, i cili është pjesërisht në pronësi të SWISS, do të ketë lidhje më të drejtpërdrejta me dy destinacionet kanadeze të Vankuverit dhe Kalgarit. Vankuveri do të shërbehet nga maji deri në tetor, ndërsa fluturimet për në Calgary do të rriten nga dy në tri herë në javë midis majit dhe shtatorit.

Në SHBA, fluturimet për në Tampa (Florida) do të dyfishohen: katër lidhje javore në vend të dy do të jenë në shërbim.

Për më tepër, do të ketë tri fluturime javore për në Las Vegas dhe Denver.

 

---