Ahmeti e Zaevi, takime tensionuese

Relacionet ndërmjet dy partive LSDM dhe BDI janë ftohur, pasi që një grup i deputetëve të BDI-së, duket se dëshirojnë akoma koalicion me VMRO DPMNE-në

Dy muaj pas zgjedhjeve të jashtëzakonshme parlamentare në Maqedoni, partitë politike atje nuk po arrin ta krijojnë koalicionin qeverisës. Pas dështimit të Nikolla Gruevskit për koalicion, u krijuan shpresat se qeverinë e re do ta formojnë LSDM-BDI dhe Aleanca Shqiptare, por ditëve të fundit janë ftohur keq relacionet ndërmjet BDI-LSDM.

Madje burime nga Shkupi, thonë se relacionet ndërmjet dy partive janë ftohur, pasi që një grup i deputetëve të BDI-së, dëshirojnë akoma koalicion me VMRO DPMNE-në.

Siç raportohet në opinionin maqedonas, marrëdhëniet ndërmjet Ali Ahmetiti dhe Zoran Zaevit janë tensionuar. Megjithatë materialet e shkruara që Ali Ahmeti i kërkon nga Zoran Zaevi janë gati dhe së shpejti do të dorëzohen në BDI.

Megjithatë, burime nga BDI për AlsatM thonë se pavarësisht mesazheve kërcënuese të Gruevskit ndaj Ahmetit, ata kanë zhvilluar sërish takim ditët e fundit. Takimi, sipas informacioneve, nuk ka kaluar në atmosferë të relaksuar.

Njëri krah i BDI-së, ende përpiqet që të nxjerrë hapa në favor të bashkëpunimit me VMRO DPMNE-në, të cilët të paktën do të çonin në zvarritje të procesit, diçka që edhe vetë Ahmeti e paralajmëroi me përmendjen e skenarit belg – “një situatë në të cilën vendi dy vjet nuk kishte qeveri”.

Në anën tjetër, Nikolla Gruevski ka kërcënuar se nëse nuk formohet koalicioni me partinë fituese VMRO DPMNE nuk do të ketë qetësi dhe zhvillim në vend. Për të relaksuar  situatën dhe për të gjet formulën e koalicionit në Maqedoni në fundjavën që shkoi qëndroi Johanes Hahn, komisari i BE-së. Kjo e fundit duket se kërkon një qeverisje të spektrit të gjerë.